「Double Shirley」繼Bra Top行山整蠱片,今次證明堅會着三點式演出。
早前「Double Shirley」着Bra Top行山的整蠱宣傳片,惹來網友熱烈討論。
最新宣傳片見到陳欣妍會着上三點式在沙灘上狂奔。
陳欣妍着住三點式在沙灘任攝影師影。
兩女仲會行下水禮。
其實節目主持仲有阿Dee@ERROR。
兩女真係有全副專業裝備去行山。

由沈殷怡和陳欣妍兩個同樣叫Shirley的靚女主持、下周一(13日)開始逢周一至周五晚10時播出的ViuTV新節目《美女郊遊遊》,之前在愚人節就發放「Double Shirley」着Bra Top行山的整蠱宣傳片,惹來網友熱烈討論,當然有人認為打扮唔夠專業,不過亦有人大呼好想睇,但兩女之後就解釋純粹趁住愚人節同大家開個玩笑,節目中她們會以全副專業裝備去行山。
不過,今日該節目再在社交平台發放全新宣傳片,公開節目的拍攝花絮繼續派糖,原來兩人除了全副專業裝備去行山外,兩人亦有下海玩水,陳欣妍仲會着上三點式在沙灘上狂奔,雖然身材唔算好洶湧,但勝在身材夠平均兼且皮膚白白淨淨,一樣好鬼養眼。

Comment 0

    最多留言