「你愛我令我心思思,心思思懷疑大件事,你配我又似高咗啲,囉囉攣令我又怕又想試……」
想當年,麗的電視拍咗唔少青春劇,單係1981年就接連推出《青春三重奏》、《IQ成熟時》、《甜甜廿四味》,以及喺當年8月3日首播嘅《對對糊》。後者的英名劇名叫《Four Couples》,講述沙田一棟三層村屋內,有兩組房客租住,4個男仔合租二樓,4個女仔則租住三樓,起初出現一些摩擦,互相整蠱,但鬥鬥吓嘴就漸生情愫,最終發展出4段戀情,食出「對對糊」!
劇中4對Couples分別係林國雄配陳秀雯、張國榮配倪詩蓓、蔣金配文雪兒、車保羅配周美玲,各有不同花名,你還記得邊位係大官?邊個叫二索嗎?
答案係張國榮(大官)同倪詩蓓(二索),亦係劇中最為人津津樂道嘅一對。當年嘅倪詩蓓剛剛出道,其玉女形象迷倒唔少男生,响現實生活中,更曾經與張國榮拍拖!至於其他演員嘅花名分別係風筒(林國雄飾)、嫦娥(陳秀雯飾)、 水泡(蔣金飾)、咖喱雞(文雪兒飾)、一公升(車保羅飾)同喊包(周美玲)。
東網網站 : https://on.cc/
東網Facebook專頁 : https://www.facebook.com/onccnews/