陳志健（Otto）在劇集《反黑路人甲》飾演黑幫大佬姜大衛的兒子「鐵頭」，傾慕蔣家旻而一直被利用。拍攝時Otto最難忘是一場跟林敬剛的對手戲，他說：「為突出『鐵頭』的癲喪，講我打林敬剛前，先一下扑落自己手打斷木棍，點知道具木棍扑咗4次都唔斷，隻手紅晒，拍攝後需即時拔罐以紓緩瘀血。」
拍動作戲辛苦，但拍攝搞笑戲時又好開心，他說：「有場打麻將戲，我同徐榮都唔識，要John哥（姜大衛）即場教授，由搭牌到食糊，哈哈！」拍攝時，John哥又教Otto掌握拍攝的節奏，連對打時應注意的地方也特別提點。
這星期的劇情，鐵頭將力追「水姐」蔣家旻，為博紅顏一笑，唱歌、跪地、除衫露點在所不惜，非常搞笑。
（即時娛樂）
