在「社交宵禁」令下，娛樂場所首當其闖，去年底開始在健身室教「美臂班」的藝人黃榕，即時失業無工開，她說之前還有教班時，已勤洗手及出入戴口罩，防疫做到足，她苦笑說：「冇晒登台演出，依家仲冇埋健身班，真係零收入，我啲朋友仲話要隔離我，話我教班係高危人士。」認真冇錢冇朋友。
黃榕說幸好還有屋企人讓她黐，食住都冇問題，面對「社交宵禁」令，未來至少14日內，生存策略是一蚊都唔用，她說：「我同屋企關係好好，好黐家，做完健身就返屋企食飯，好少出街食，屋企人好體諒我，星期日Family day通常我請屋企飲茶，依家我爸會爭住畀錢，驚我冇錢用，阿爸阿媽間中會塞錢畀我，不過我未去到要用佢哋錢，頭先阿爸又再問我夠唔夠錢使，好彩冇乜負擔，淨係要交通費，依家出街唔敢再買運動衫住，最好一蚊都唔用。」
東網網站 : https://on.cc/
東網Facebook專頁 : https://www.facebook.com/onccnews/
