藝人張致恒（Steven）早前捲入嘅桃色風波告一段落，而成功「以一敵四」嘅未婚妻雯雯呢日又再度發文為Steven護航，佢話世界上冇人唔會做錯事，你同我一樣都會有錯嘅時候：「至於值唔值得原諒，每個人都會有唔同睇法，而我覺得都未畀機會，唔通就要判人死刑，感情事從來冇分對與錯，自己覺得值得就繼續。」
雯雯仲話即使全世界唔睇好佢哋同鬧Steven，佢依然會努力同佢行下去：「至於小朋友成長會係點，開心唔開心好同唔好，都唔係你同我可以去做結論，既然佢已經嚟到呢個世界，就俾（畀）空間佢去行佢嘅人生，所以希望大家可以停止去傷害同侮辱，一個只擁有一顆天真嘅心，無論發生幾唔愉快嘅事，都係會帶住笑容的小朋友，我仍然相信每個人都有善良嘅心。」
---------------
立即參加「賞您睇」： https://tinyurl.com/y2e6pmwk
Click下面粒掣，儲on.cc coins！機票、家電、超市禮券、過萬份獎品等緊你。
東網網站 : https://on.cc/
東網Facebook專頁 : https://www.facebook.com/onccnews/
