歌手關楚耀（Kelvin）與空姐女友Joann Law前年爆出戀情，不過兩人一直有共識，將感情低調，但Kelvin就好支持女友做傳銷，經常畀like！
屬宅男女神級嘅Joann喺社交網擁有不少followers，最近更做埋人肉生招牌硬銷一款酵素保健品，聲稱有助美白豐胸同瘦身，更網晒自己可以日賺過萬嘅記錄，又喺網上號召人加入其團隊做佢「下線」，更話「低門檻加入20盒」！而網民就質疑先要買20盒，咁佢就可以喺20盒入面抽佣，故惹來層壓式推銷疑雲。
另外，有自稱Joann的舊同窗，就爆料指Joann讀書時已日食一水果同飲水作地獄式減肥，對佢減肥方法是否健康存有懷疑。其實Joann一直以來都十分「惹火」，曾有網民質疑佢成身都係冒牌貨。
東網網站 : https://on.cc/
東網Facebook專頁 : https://www.facebook.com/onccnews/
