喺無綫劇集《愛．回家之開心速遞》飾演「楊洋」嘅劉思希，雖然連日嚟要為《愛》劇不停開工，但佢認真識歎，臨瞓前浸番個靚浴，而且浸浴嘅材料非常講究。佢喺社交網上載浸浴Look，戴上頭巾兼以毛巾包身，晒出白滑膊頭，留言：「非常時期，玫瑰花瓣+牛奶已經冇咩用啦！必須採取非常手段，睇到我的浸浴湯包，有生薑皮同艾葉同一堆中藥，活血驅寒驅邪，將啲病毒逼晒出嚟！」
佢唔單止準備一堆藥材做浸浴，佢仲預備杯水、青提子同士多啤梨糖，諗住邊浸邊食，都好爽喎！唔少網民大讚佢識得養生，有啲網民不單止話跪求出浴照，仲口多多話不如一齊浸添！
東網網站 : https://on.cc/
東網Facebook專頁 : https://www.facebook.com/onccnews/
