藝人林夏薇近日忙於拍攝無綫新劇《七公主》，沒料開工沒多久，便展開一連六日通宵大夜班，可謂晚晚與睡魔博鬥，少一點戰鬥力也不能，她接受東網訪問時表示：「呢幾日拍我喺共享空間辦公室嘅主景，全廠拍攝，所以連生理時鐘都倒轉晒，每日早上收工，中午又起番身返工。」而今日凌晨收工時，好唔好彩佢遇上黑雨，佢喺社交網上載一張喺車入面嘅相，留言：「終於收工…但黑雨水浸…被困車中，返唔到家…一陣又早廠…救命！」真係陰功豬呀！
雖然每日帶住疲倦身軀開工，但老公每日化身廚師為愛妻炮製愛心便當及靚湯為表支持，令薇薇開心非常，她說：「佢見我每日都冇時間好好休息同瞓覺，一起身就趕出門口，驚我唔夠體能，就一早起身整營養便當畀我喺車食囉！」
東網網站 : https://on.cc/
東網Facebook專頁 : https://www.facebook.com/onccnews/
