新冠肺炎全球爆發，外國愈爆愈嚴重，好多國家似乎未意識點樣防範同應付，甚至連戴口罩都會畀人歧視。喺外國留學多年嘅藝人鄭丹瑞（阿旦）女兒鄭瑤，喺香港見到唔少外國人或外籍僱工出街冇口罩，佢嘅外國朋友更唔清楚要點防疫，所以特別上咗爹啲嘅健康節目，教大家點解為疫情做足預防措施。鄭瑤全程英文講解，詳細講出多項要注意嘅事情，例如盡量少聚會，留喺屋企，要勤洗手，而且最重要用番梘洗手，之後又教點善用口罩，返到屋企要將身上物品清理一番，講解得十分詳盡，如果大家跟住佢咁做，感染疫情嘅機會相信會大大減少。
鄭瑤講完之後，阿旦解釋點解阿女要咁做，佢話因為阿女好多外國朋友，對疫情佢哋完全唔知發生咩事，對預防疫情亦毫冇概念，乜都唔識，阿女之前寫咗長篇預防文章email畀啲外國朋友仔，佢哋都有照做同轉發，所以今次上嚟用英文講，畀多啲外國人知道，我哋係點解應付疫情。
東網網站 : https://on.cc/
東網Facebook專頁 : https://www.facebook.com/onccnews/
