有「收視女王」之稱的內地女星趙麗穎產後回歸後，一直被指狀態及人氣滑落，加上唔少後起之秀追趕，搞到佢都要的起心肝悄悄「動起來」，起勢做Gym操弗，仲操到自己變咗筋肉人，嚇親一班網友！
話說佢日前晒出兩張自己嘅Gym照，雖然都見唔到樣，不過人仔細細又瘦削嘅佢原來周身肌肉，二頭肌非常結實，仲見到事業線變到好似大大舊胸肌，真係估佢唔到！另一張相就見到佢晒出練背肌嘅情況，蝴蝶背直頭可以夾死蚊咁滯，網友即刻留言喊驚，平時唔聲唔聲，守身如玉，原來一除衫係咁嘅樣，唔知會唔會可以激勵到老公馮紹峰都一齊尖一尖呢？
東網網站 : https://on.cc/
東網Facebook專頁 : https://www.facebook.com/onccnews/
