7月1日，杜德偉(Alex)飛去上海拍攝《射鵰英雄傳之九陰白骨爪》，雖然要隔離14日，但好彩老婆一齊去，有人陪食陪讀劇本都冇咁悶，但上機嗰日已經話好掛住囝囝AJ嘅Alex唔太好受，就係每日都好掛住個仔，惟有不斷翻睇電話入面嘅AJ片止癮，但翻睇又翻睇唔係辦法，喺隔離第13日，佢做剪接師，剪咗一段director’s edit，段片名稱係《當天我和AJ就是這樣玩咗成個下晝》，完全感受到Alex嗰種掛念之情。到隔離最後一日，佢老婆爆Alex因為憶子成狂而愈玩愈癲，就係用photoshop將斧頭圖案Key落囝囝心口，惡搞囝囝變斧頭幫，杜太仲問，「星爺會唔會考慮吓有啲角色比AJ客串下」，其實都係啱啱完咗隔離，戲都未拍就搞成咁，之後點搞啊?
