立法會換屆選舉將在 9 月 6 日進行，民主派初選定於 7 月 11、12日。民間組織今日舉行九龍東地區初選論壇，其中有大會問題問候選人「會否為大局簽名支持國安法？」公民黨譚文豪稱，其實簽確認書擁護基本法，已等同支持國安法，並反問：「如果連 plan B 都唔簽，全部入唔到閘又如何做 35+ ？」民主黨胡志偉亦同意候選人的 Plan B可簽確認書。其他參選人則一口回絕，其中人民力量譚得志（快必）斥「香港人要搞清楚條底線喺邊，係咪為入閘屎都食？」
6 位九龍東初選候選人出席一地區論壇，包括觀塘區議員李嘉達、民主黨胡志偉、公民黨譚文豪、人民力量譚得志、前香港眾志秘書長黃之鋒、民協施德來。在大會提問環節，主持人問「如果要入閘，一定要承諾接受國安法，你會不會為了大局簽名支持？」
胡志偉︰ plan B 會為入閘去做任何事
大部分候選人均一口回絕。黃之鋒表明，無論如何均「忠誠反對國安法」，不會簽署任何支持國安法的文件，亦促請所有候選人都不要簽，「十個候選人十個都唔簽嘅話，政權就唔可以用唔簽作理由 DQ 你。」強調港人一定要齊上齊落。
施德來亦認同，「（政府）有膽就 DQ 晒所有人。」絕對不會簽「加料」的確認書；李嘉達則指，「任何宣誓前的確認書都是多餘」，如最後不簽確認書全部不能入閘反而更好，「撕開議會嘅畫皮」。
譚文豪回應時指，國安法條文有提及立法會議員需要簽確認書，及宣誓效忠基本法，如今基本法附件三已「攝入」了國安法，簽確認書已等於支持國安法，不簽「絕對係 DQ 嘅理由」。他說，如果民主派的目標是要求做到「35+」，但因為不簽確認書「如果連 plan B 都唔簽，全部入唔到閘又如何做 35+ ？」
胡志偉亦指，無論簽不簽，相信所有民主派參選人都是反對國安法，但他指民主派協調時曾提及，「我哋嘅 plan B 會為咗入到閘去做任何事。」而 plan A 代表的則是抗爭意志，相信這也是市民的選擇和要求，「咁所以我係會唔簽呢份確認書。」
胡志偉出席九龍東地區初選論壇
譚文豪︰如果香港人話唔要 35+，咁我唔簽
快必強調，人民力量過去從沒簽署確認書，他認為如果確認書代表了支持國安法，「係考驗全香港人嘅底線，可以褪到去邊度？」他點名批評譚文豪、胡志偉「係咪有得入閘，屎都食？呢舊屎我哋（人民力量）絕對食唔落。」
譚文豪強調，自己仍未決定簽不簽確認書，最後仍要以民意作準，如果 35+ 是目標就總要有 plan B 或 plan C 去簽，「35+ 嘅議席唔係屬於我、公民黨，而係所有香港人，如果香港人話唔要 35+，咁我唔簽。」國安法生效是最近的事，現階段社會上需要有討論就此尋求共識，他會跟從。
胡志偉亦認同，他表示簽或不簽，香港人都要面對「35+」的問題，相信香港人不想議會最後「交晒畀建制派」，認為「轉世靈童（plan B）應該係要乜嘢都簽。」
譚文豪手執「毛語錄」道具
守護言論與新聞自由。立場新聞，寸步不退。
每月贊助支持立場新聞
