處境劇《愛.回家之開心速遞》小花、有「隱藏美少女」之稱嘅楊嘉欣,於今年3月榮升人母,呢日佢喺社交網宣布已同無綫完約:「原來我入咗行四年幾,你哋記唔記得我?一個快工作了5年的地方…話完就完了……我一直心裏有個問號?真的?真的嗎?嗯~真的完了。還想著(着)生完BB仲可以同大家見面…哈哈…..多謝舊公司畀過咁多拍攝機會我,雖然我只係二打六,走左(咗)都唔會可惜,不過的確係一個與眾不同嘅經歷,又識到一班朋友仔,疫情過後朋友們唔好唔記得我,I will be back!」
佢又自嘲係「失業媽媽」,並指希望日後可以再喺其他平台同大家見面,有網友則指佢字裏行間似乎暗示不獲無綫續約。
東網網站 : https://on.cc/
東網Facebook專頁 : https://www.facebook.com/onccnews/