每次見到搵食CONY食好西都好妒忌！今次時尚達人CHOCO都終於有機會啦，皆因韓國護膚品牌LANEIGE近日以「Sparkle My Way」為主題，於旺角朗豪坊開設期間限定LANEIGE Sparkling Café，有得試新產品之餘，亦有得食！
LANEIGE新推出水光亮白維C睡眠面膜和限量版戀戀春日水感亮白BB Cushion霜，都以熊啤啤為包裝主題。今次這個pop-up café亦以這兩款產品為靈感，設計出四款甜品，包括三款梳乎厘班戟和水滴菓子，而場內設計亦以熊啤啤為主題，並設有全新產品試用區小熊拍攝專區，相片可以即影即印。
今次pop-up café的主角當然是近日好受歡迎的梳乎厘班戟，而其中一款「黃金Sparkling梳乎厘班戟」更是每日限定35份，除了鋪滿矜貴金箔，現時當造的白草莓更是亮點。其他兩款包括閨蜜小熊梳乎厘班戟、粉紅雲朵梳乎厘班戟和甜睡小熊水滴菓子的可愛造型更是打卡呃like之選。客人更可以自行裝飾甜品，創造專屬甜品。
每款甜品售價為35港元，甜品所有收益將會全數捐贈到願望成真基金（Make-A-Wish Hong Kong），購買甜品亦可獲贈LANEIGE 35港元現金禮券。LANEIGE Sparkling Café由明天（16日）起至24日向公眾開放，只限9日，切勿錯過。
LANEIGE Sparkling Café
日期：3月16日至3月24日
地點：旺角朗豪坊4樓通天廣場
