台灣小天王潘瑋柏嘅身材一直都係網友討論點，時瘦時脹嘅佢近日忙於搞內地巡唱，粉絲到現場觀看並拍攝留念後，發現潘瑋柏工作室發出嘅相，同現場大家親眼見到嘅潘瑋柏實際身材似乎有差異。
潘瑋柏喺官方照中青靚白淨Fit到爆，望落高高瘦瘦，但網友影嘅相中，佢就由V煞面變圓面，肚凸凸似撐爆火紅西裝，部分粉絲就幫口表示：「角度問題，本人確實瘦，下頜線很清晰」、「我去現場看了，他臉沒有這麼胖」。
潘瑋柏本人也看到相當消息，出道23年早見過大風大浪，親自將海報橫拉讓自己臉變寬外，笑稱：「感謝大家對潘瑋『厚』的厚愛😁六秒售完！感謝你們最厚實的支持！我渾厚的說聲感恩！！」
東網網站 : https://on.cc/東網Facebook專頁 : https://www.facebook.com/onccnews/