2月8日係台灣女星大S（徐熙媛）病逝後頭七，亦係佢同老公具俊曄結婚3周年日子，具俊曄痛失摯愛，具俊曄當日悲痛上載社交網，罕見發聲留言：「我永遠愛你」背景音樂配上旋律淒美嘅鋼琴曲，其組合成員「酷龍」搭檔姜元來妻子金鬆留言指「是歐巴彈奏的」，再度令網友催淚。
具俊曄轉型DJ後，為創作音樂而學彈鋼琴，佢喺二人結婚3周年呢日，標註大S帳號，慟喊：「我永遠愛你」，並彈奏法國鋼琴家Sofiane Pamart《Love》，道盡無限思念，搞到一班網友一同陪喊。
同日，有網友晒出同大S、小S合照，聲稱係今個農曆新年過年前聚餐照，大S一家去到餐廳家庭聚餐，大S頭上更疑似戴住珍珠髮夾，獲晒相網友指實物同小S日前晒出嘅蝴蝶髮夾非常類似。相中大S同小S同框笑容燦爛，富泰十足更直豎拇指，親切模樣已成追憶。
東網網站 : https://on.cc/東網Facebook專頁 : https://www.facebook.com/onccnews/