英國模特兒Iris Law父親是英國影壇巨星祖狄羅（Jude Law），而近日她就被紐約一餐廳女侍應點名投訴，形容她是史上最「難搞」的食客。
女侍應Madison Tayt拍片數臭Iris稱她「好刻薄」：「佢拒絕埋單之餘，仲問我知唔知佢老竇係邊個？佢話老竇知道一定唔會高興。正一八婆！」更指Iris在餐廳因不滿餐廳的甜品選擇而尖叫大發脾氣。Madison公開批評Iris的片段公開後即於網上瘋傳，吸引超過3,280萬次點擊率。
事件曝光後，Iris漏夜凌晨時份拍片否認。她說：「老友，唔好玩啦！有人話我食食下飯企起身唔肯畀錢，仲尖叫話：『你知唔知我係邊個？』只係因為我唔鍾意喺餐牌嘅甜品選擇。呢個都幾好笑，不過係完全老作。」
東網網站 : https://on.cc/東網Facebook專頁 : https://www.facebook.com/onccnews/