冒險樂園擲彩虹又有「報警級」爭議，一名港男較早前在屯門冒險時代廣場玩擲彩虹，眼看代幣明顯中獎並無「砸界」，卻被經理判為「唔中」，令他憤怒報警處理！
事主在網上Facebook群組發相公審：「請問這個中定唔中，對方話我唔中，大家點睇，已報警」。引來大批網民熱議，不少人都認為「中！」因為代幣四周明顯都見到紅色，並沒有觸碰黑邊，因此有網民激動回應：「咁都唔中點先叫中？」
不過亦有網民持相反意見，質疑可能事主只提供對他有利的拍攝角度，假如直接從上面向下查看，亦有可能「砸界」。
事主後來在網上回覆網民告知最新情況，稱後來有另一位經理前來最終裁決「中獎」，解決爭論。
但網民仍然群情洶湧，對冒險樂園處理擲彩虹中獎問題感到不滿，「唔通每次咁嘅情況都要搵經理，玩個遊戲都幾大壓力」，更質疑是否每次中大獎都要報警處理才可獲判中獎，認為這樣「好無癮」。
圖片來源：美國冒險樂園關注組
【LINE你睇】每日精選網絡熱話，源源送上新鮮事，LINE你睇唔驚冇話題。